PSJ baş məşqçi Luis Enrikeyə ömürlük müqavilə təklif etməyi planlaşdırır. İspaniyalı mütəxəssisin hazırkı sözləşməsi 2027-ci ilin iyun ayında başa çatır.

90plus.az xəbər verir ki, Luis Enrike ötən həftə “Flamenqo”ya qarşı qazanılan Qitələrarası Kubok qələbəsindən sonra PSJ tarixində xüsusi yer tutmağı bacarıb. Həmin qələbə ilə Paris təmsilçisi cari ildə altı titul qazanaraq mövsümü “sixtupl”la başa vurub.

Baş məşqçinin komandadakı ilk mövsümü nisbətən adi keçsə də, 2024/25 mövsümündə Luis Enrike komandanın səviyyəsini xeyli yüksəldib. Bu dövrdə ən böyük uğur PSJ-nin tarixində ilk dəfə Çempionlar Liqasının qalibi olması olub.

Bu nəticələr Fransa paytaxtı klubunda yeni bir dövrün başlanğıcı kimi qiymətləndirilir. Gənc və istedadlı futbolçulardan qurulan heyətlə PSJ artıq Avropada ciddi güc mərkəzinə çevrilib.

Klub rəhbərliyi sabiq “Barselona” baş məşqçisi ilə əməkdaşlığı uzun illər davam etdirmək niyyətindədir.