PSJ-nin və Portuqaliya millisinin yarımmüdafiəçisi Vitinya karyerasını İspaniya nəhəngində davam etdirə bilər.
90plus.az xəbər verir ki, məlumatı "El Gol Digital" yayıb.
Xəbərə görə, sözügedən futbolçunun xidmətində "Real Madrid" maraqlıdır. Mənbə "Kral klubu"nun "Mançester Siti"nin ispan yarımmüdafiəçisi Rodrinin transferindən vaz keçdiyini və bütün diqqətini Paris təmsilçisinin 24 yaşlı oyunçusunun heyətə qatılmasına yönəltdiyini vurğulayıb.
Qeyd: cari mövsüm PSJ forması ilə 14 matça çıxan Vitinya 2 qol vurub.
