PSJ-nin yarımmüdafiəçisi Fabian Ruis klubla yeni müqavilə imzalamağa yaxındır.

90plus.az xəbər verir ki, ispaniyalı futbolçunun hazırkı sözləşməsi 2027-ci ilin iyununda başa çatır. Yeni müqavilənin isə 2029-cu ilə qədər qüvvədə olacağı gözlənilir. Son vaxtlar Fabian Ruisin Türkiyə klubları ilə adı hallansa da, 29 yaşlı futbolçu gələcəyini PSJ ilə bağlamağa qərar verib.

Fabian Ruis PSJ-nin orta xəttində əsas fiqurlardan biri hesab olunur. O, Vitinya və Ruben Neveşlə birlikdə formalaşdırdığı güclü üçlü ilə komandanın oyununda mühüm rol oynayır.

2024-cü il Avropa çempionu olan ispaniyalı yarımmüdafiəçi ötən mövsüm PSJ-nin tarixi altıqat titul qazanmasında da həlledici pay sahibi olub.