"Qarabağ" Avropa Liqasının əsas mərhələsinin 1-ci turunun açılış oyununda İngiltərənin "Tottenhem" komandasına qarşı güclü dəstək görəcək. 

90plus.az xəbər verir ki, Londondakı oyun üçün qonaq sektoruna təxminən 600 bilet artıq satılıb. Oyun keçiriləcək "Tottenhem Hotspur" stadionunda Ağdam komandasını 1000-dən çox azarkeşin dəstəkləməsi gözlənilir.

"Tottenhem" - "Qarabağ" oyunu 26 sentyabrda adı çəkilən stadionda keçiriləcək və Bakı vaxtı ilə saat 23:00-da başlayacaq.