"Qarabağ"ın qapıçısı Mateuş Koxalski UEFA Çempionlar Liqasının Liqa mərhələsində ən çox qurtarış edən qolkiperlər arasında yer alıb.
90plus.az xəbər verir ki, 24 yaşlı polşalı qapıçı bu nəticəyə V turda “Napoli” ilə səfərdə keçirilən oyundan (0:2) sonra nail olub.
Matçın 56-cı dəqiqəsində Mateuş Rasmus Hoylundun penalti zərbəsini dəf edib. Ümumilikdə isə o, İtaliyada keçirilən qarşılaşmada 8 təhlükəli zərbənin qarşısını alıb.
Koxalski cari mövsümün Liqa mərhələsində etdiyi qurtarışların ümumi sayını 17-yə yüksəldib. Bu göstərici ilə o, turnirdə 11-ci pillədə qərarlaşıb.
-
Nikita Haykin (“Bodo Qlimt”) – 31
-
Xeronimo Rulyi (“Marsel”) – 29
-
Tibo Kurtua (“Real”) – 22
-
Nik Poup (“Nyukasl”) – 21
-
Neofitos Mixail (“Pafos”) – 20
6–10. Marko Karnesekki (“Atalanta”) – 18
Mark Flekken (“Bayer”) – 18
Nordin Yakers (“Brügge”) – 18
Vanya Milinkoviç-Saviç (“Napoli”) – 18
Anatoli Trubin (“Benfika”) – 18
11. Mateuş Koxalski (“Qarabağ”) – 17
