“Napoli”nın prezidenti Aurelio De Laurentiis ciddi bir maliyyə qalmaqalında məhkəməyə veriləcək.

90plus.az xəbər verir ki, onun, klubun 2019-2021-ci illərdəki maliyyə hesabatlarında “saxta mühasibatlıq” etdiyi iddia olunur.

İttihamların mərkəzində iki böyük transfer əməliyyatı durur: Kostas Manolas “Roma”dan 2019-cu ildə "Napoli"yə keçərkən dəyərinin şişirdildiyi və Viktor Osimhenin 2020-ci ildə "Lill"dən 71 milyon avroya alındığı əməliyyatda süni kapital qazancı yaradıldığı iddiası. Bu keçid zamanı "Napoli" tərəfdən əks istiqamətdə göndərilən oyunçular – o cümlədən qapıçı Orestis Karnezis və üç gənc oyunçu – dəyərlərinin həddən artıq göstərildiyi əsaslandırılır.

Məhkəmə prosesində yalnız De Laurentiis deyil, onun uzun müddətli müttəfiqi Andrea Çiavelli və “Napoli” klubu da cavabdeh olaraq yer alacaq. Söhbət gələcəkdə iki ilədək şərti cəza və ya icraçı vəzifələrdən müvəqqəti uzaqlaşdırılma kimi sanksiyalardan gedir.

İddialara baxmayaraq, “Napoli”nin idman hakimiyyəti üzərindən birbaşa sanksiya riski yoxdur — bu məsələ ilə bağlı FIGC tərəfindən əvvəlki araşdırma 2022-ci ildə bağlanıb.

De Laurentiisin vəkil heyəti isə cinayə ittihamlarını “qəribə və əsassız” adlandıraraq, mühasibat prinsiplərinin yanlış tətbiq olunduğunu və klubun əməliyyatlardan maliyyə üstünlüyü əldə etmədiyini müdafiə edir.

Prosesin ilkin məhkəmə iclası 2026-cı il dekabrın 2-si üçün planlaşdırılıb.

Qeyd: "Napoli" UEFA Çempionlar Liqasında "Qarabağ"ın növbəti rəqibidir.