“Mançester Siti”nin 2025/26 mövsümündə Premyer Liqa çempionluğu yolunda planları ciddi zərbə alıb. “Şəhərlilər” 22-ci turda “Mançester Yunayted”ə 0:2 hesabı ilə məğlub olaraq vacib xallar itirib.
90plus.az xəbər verir ki, bu məğlubiyyətdən sonra “Mançester Siti” turnir cədvəlində lider “Arsenal”dan geri düşə bilər. “Topçular” ehtiyat oyununda “Nottingem Forest”i məğlub edərsə, xal fərqi 9-a yüksələcək.
Derbidən sonra “Arsenal”la xal fərqi barədə danışan ispan mütəxəssis Pep Qvardiola belə deyib:
“Bu, komanda olaraq necə inkişaf etməyimizlə bağlıdır. Düşünürəm ki, indiyə qədər çox yaxşı işlər görmüşük. Daha yaxşı olmaq üçün bəzən bir addım geri atmaq lazım gəlir. Mövsüm çox uzundur və təhlil etməyə davam etməlisən.”
“Mançester Siti” 2026-cı ilə Premyer Liqada uğursuz start verib. Komanda son dörd liqa oyununda qələbə qazana bilməyib və bu da çempionluq yarışında vəziyyəti daha da çətinləşdirib.
“Mançester Siti”nin yaxın turlarda göstərəcəyi performans Pep Qvardiolanın komandası üçün mövsümün taleyini müəyyən edə bilər.
HƏMÇİNİN OXU:
