"Ballon d'Or" 2025 mükafatlandırma mərasiminin tarixi açıqlanıb.

90plus.az xəbər verir ki, futbol dünyasının ən nüfuzlu fərdi mükafatı sayılan "Ballon d'Or" (Qızıl Top) 2025-ci il üçün qaliblərini 22 sentyabr tarixində Parisdə keçiriləcək təntənəli mərasimdə elan edəcək.

Tədbir Parisin məşhur "Şatle Teatrı"nda baş tutacaq və bu, "Ballon d'Or" tarixində 69-cu mükafatlandırma mərasimi olacaq.

Mərasimdə mövsüm ərzində göstərdikləri performansla seçilən futbolçuların adları açıqlanacaq. Əvvəlki illərdə olduğu kimi, bu il də mükafatlandırma mərasimində "Yashin Trophy" (ən yaxşı qapıçı) və "Kopa Trophy" (ən yaxşı gənc oyunçu) kimi xüsusi kateqoriyalar üzrə qaliblər də müəyyənləşdiriləcək.

Qadın futbolunda isə daha əvvəl iki dəfə bu mükafata layiq görülən "Barselona"nın ulduzları — Aitana Bonmatí və Aleksia Putellas yenidən favoritlər arasında göstərilir.

Mükafatlandırma mərasimi öncəsi namizədlərin tam siyahısı və digər detallı məlumatlar təşkilatçı "France Football" jurnalı tərəfindən yaxın həftələrdə açıqlanacaq.

Futbolsevərlər 22 sentyabr tarixində baş tutacaq bu möhtəşəm tədbiri səbirsizliklə gözləyirlər.