Rodri karyerasını İspaniya La Liqasında davam etdirə bilər.
90plus.az xəbər verir ki, "Real Madrid" ispaniyalı futbolçunu transfer etmək niyyətindədir.
“Kral klubu” mövsümün sonunda Rodrinin fiziki vəziyyətini qiymətləndirərək yekun qərarını verəcək. 29 yaşlı dayaq yarımmüdafiəçisində ciddi zədələr yoxdursa, "Real Madrid" "Mançester Siti"yə 50 milyon avroluq təklif göndərəcək.
"Mançester Siti" Rodrini 2019-cu ilin yayında "Atlétiko Madrid"dən 70 milyon avroya transfer edib. İspaniya millisinin üzvü bu mövsüm “şəhərlilər”in heyətində 22 rəsmi oyunda 1 qol vurub. Futbolçunun klubla müqaviləsi gələn ilin yayında başa çatır.
