Çətin günlər keçirən “Real Madrid” La Liqanın 20-ci turunda evdə “Levante”ni 2:0 hesabı ilə məğlub edib. Oyuna ikinci yarıda daxil olan Arda Güler isə qələbədə baş rol oynayıb.

90plus.az xəbər verir ki, İspaniya Superkubokunun finalında “Barselona”ya, Kral Kubokunda isə “Albasete”yə məğlub olan “Real Madrid” qarşılaşmaya ciddi təzyiq altında çıxmışdı. Matç öncəsi azarkeşlər futbolçulara və klub prezidenti Florentino Peresə etirazlarını ifadə etmişdilər.

Baş məşqçi Alvaro Arbeloa Arda Güleri ilk 11-də meydana buraxmamışdı. İlk yarıdakı zəif performans nəticəsində komandası fasiləyə 0-0 hesabı ilə getdi.

İkinci yarının əvvəlində Kamavinga əvəzinə oyuna daxil olan milli futbolçu komanda oyununa dərhal təsir göstərdi. 58-ci dəqiqədə Mbappenin qazandığı penaltda ara pasını verən Arda, Fransız hücumçunun topu dəqiq yerə qoymasına kömək etdi və “Real Madrid”i önə çıxardı.

65-ci dəqiqədə isə Arda Güler korneri yerinə yetirdi və Raul Asensio topu ağlara göndərərək hesabı 2-0-a çatdırdı:

Real Madrid 2 - 0 Levante
K. Mbappe 58 (pen)
R. Asensio 65’

Qollar: https://t.me/doxsanplus/113442

Bu qələbədən sonra “Real Madrid”in xalı 48-ə yüksəldi. “Levante” isə 14 xalda qaldı. Arda Güler isə bu mövsüm 30 oyunda 3 qol vurub və 10 asistlə komandasına dəstək verib.