Mövsümün əvvəlindən bəri “Real Madrid” zədələr baxımından nisbətən şanslı olub, komandanın əsas futbolçularının əksəriyyəti zədə almayıb.

90plus.az xəbər verir ki, noyabr ayına daxil olarkən komandada dörd futbolçu hələ də zədə və fiziki hazırlıq problemləri səbəbindən meydanlara dönə bilmir.

• Ferlan Mendi – fiziki hazırlıq problemi. “El Klasiko”da ehtiyat oyunçular sırasında yer alsa da, hələ tam formada deyil. Beynəlxalq fasilədən sonra noyabr ayında oynaya biləcəyi gözlənilir.

• David Alaba – əzələ yüklənməsi. Avstriyalı müdafiəçi hələ də tam gücü ilə məşq edə bilmir. Onun noyabrın sonlarına doğru meydana dönməsi planlaşdırılır.

• Antonio Rüdiger – hamstrinq (bud əzələsi) zədəsi. Almanın erkən mövsümdə aldığı zədə tam sağalmayıb. “Real Madrid” 12 dekabr tarixini potensial dönüş günü kimi nəzərdə tutur.

• Dani Karvaxal – diz zədəsi. Komanda kapitanı yenidən eyni nahiyədən zədələnib və ən azı 2026-cı ilin 27 yanvarına qədər oynaya bilməyəcəyi bildirilir.

“Real Madrid” rəhbərliyi bu futbolçuların bərpa prosesini yaxından izləyir və xüsusən Karvaxalın uzunmüddətli itkisinin təsirini minimuma endirmək üçün heyət dərinliyindən yararlanmağa çalışır.