Xabi Alonso ilə yollarını ayırdıqdan sonra yeni baş məşqçi axtarışına çıxan “Real Madrid”də əsas namizəd kimi Yurgen Klopp ön plana çıxıb. İspan nəhəngi artıq alman mütəxəssislə ilkin danışıqlara başlayıb.

90plus.az xəbər verir ki, Klopp rəhbərliklə görüşə öz “təmizlik siyahısı” ilə gəlib. Alman çalışdırıcının oyun fəlsəfəsinə uyğun hesab etmədiyi iki əsas futbolçunu – Cud Bellingem və Eduardo Kamavinqanı komandada görmək istəmədiyini bildirdiyi vurğulanır.

Xüsusilə Cud Bellingem klubun gələcəyi kimi dəyərləndirilirdi. Məlumata əsasən, Klopp vaxtilə “Liverpul”u çalışdırdığı dövrdə transfer etmək istədiyi bu futbolçuların hazırkı layihəsinə uyğun olmadığını düşünür.

Hazırda komandaya müvəqqəti olaraq rəhbərlik edən Alvaro Arbeloanın uğurlu nəticələr əldə etməsi isə klub rəhbərliyinin qərar verməsini bir qədər asanlaşdırır. Buna baxmayaraq, arxa planda “Klopp əməliyyatı”nın davam etdiyi bildirilir.