Bir vaxtlar “Real Madrid"də çıxış etmiş sabiq niderlandlı futbolçu Royston Drentenin səhhətində ciddi problem yaşanıb. 38 yaşlı keçmiş oyunçu cümə günü qəfildən iflic keçirib.

90plus.az xəbər verir ki, “Feyenoord” akademiyasının yetirməsi olan və karyerası ərzində “Real Madrid”, “Everton” və “Kayseri Ərciyesspor” kimi klublarda forma geyinmiş Drente hazırda xəstəxanada müalicə alır.

Niderland mediasında yayılan xəbərlərə görə, Drentenin vəziyyətində müsbət irəliləyiş müşahidə olunur. Həkimlər onun bərpası üçün əllərindən gələni edirlər.

Mövzuyla bağlı “Feyenoord”un baş məşqçisi Robin van Persi də fikirlərini bölüşüb. “Herakles”lə oyundan sonra açıqlama verən van Persi bunları deyib:

“Həqiqətən şok oldum. Thorbekkeda eyni məktəbdə oxumuşduq. Onun və ailəsinin bu vəziyyətdən çox pis təsirlənməməsini ümid edirəm. Gözləyib nə olacağını görəcəyik.”