“Real”ın müdafiəçisi Xesus Valyexo qış transfer pəncərəsində klubu tərk edəcək.

90plus.az xəbər verir ki, ispan futbolçu artıq baş məşqçi Karlo Ançelottinin planlarının bir hissəsi deyil. “Kral klubu”nun rəhbərliyi Xesusa son qərarları barədə məlumat verib və futbolçudan yeni klub axtarmağa başlamasını istəyib.

Valyexo cari mövsümdə cəmi bir dəfə meydana çıxıb – o, sentyabrın 24-də “Alaves”lə keçirilən çempionat matçında 11 dəqiqə meydanda olub. Xesus son illərdə üç dəfə “Qranada”ya icarəyə verilib.