Mile Svilar "Roma" ilə yeni müqavilə imzaladı.
90plus.az xəbər verir ki, 25 yaşlı qapıçı Mile Svilar çıxış etdiyi Roma klubu ilə yeni müqaviləyə imza atıb.
İtaliya klubunun rəsmi açıqlamasında qeyd olunub: “AS Roma" Mile Sviların klubla olan müqaviləsini 30 iyun 2030-cu il tarixinə qədər uzatdığını elan etməkdən məmnunluq duyur.”
1999-cu il təvəllüdlü qapıçı ötən mövsüm "Roma"nın əsas aparıcı futbolçularından birinə çevrilib. O, A Seriyasında çıxış etdiyi 16 matçda qapısını toxunulmaz saxlayıb.
2025-ci ildə isə Svilar 11 oyunda qapısına qol buraxmayıb ki, bu da Avropanın 5 ən güclü liqasında rekord göstərici sayılır. Mövsüm sonunda Mile Svilar Serie A tərəfindən 2024/25 mövsümünün ən yaxşı qapıçısı seçilib.
O, 2022-ci ildən bəri "Roma" forması ilə bütün turnirlərdə ümumilikdə 88 oyuna çıxıb.
