Kriştiano Ronaldo uzun müddətdir sevgilisi olduğu Corcina Rodrigeslə evlənmək qərarına gəlib.
90plus.az xəbər verir ki, dünya ulduzu toy tarixini dəqiq deməsə də, "Bir ilə, altı aya, bir aya da ola bilər. Bunun olacağına 1000 faiz əminəm" deyərək toy planı olduğunu təsdiqləyib.
Ronaldonun sevgilisi Corcina dəbdəbəli həyat tərzi və açıqlamaları ilə tez-tez gündəmdədir. 2016-cı ildən məşhur futbolçu ilə birlikdə olan Rodriges sevgilisi ilə son aylarda SPA-da vaxt keçirdiklərini açıqlaması ilə yenidən diqqət çəkib.
Cütlüyün 7 yaşlı Alana və 2 yaşlı Bella adlı iki qızı var. Ronaldo və Rodriges nişanlı olub-olmaması ilə bağlı heç bir açıqlama verməyib. Bununla belə, Ronaldonun açıqlamaları cütlüyün toy planlarının çox tezliklə reallaşa biləcəyini deməyə əsas verir.
