"Əl-Nasr"ın hücumçusu Kriştian Ronaldo "Yuventus"un yarımmüdafiəçisi Pol Poqbanı komandasında görmək istədiyini bildirib.

90plus.az xəbər verir ki, bu barədə “TuttoJuve” məlumat yayıb.

Mənbə iddia edir ki, portuqaliyalı ulduz artıq fransızı Səudiyyə Ərəbistanı komandasına dəvət edib. Ronaldo və Poqba 2021/22 mövsümündə "Mançester Yunayted"də birlikdə çıxış ediblər.

Oktyabrın 7-də İdman Arbitraj Məhkəməsi (CAS) "Yuventus"un futbolçusu Pol Poqbanın dopinq qadağasının 4 ildən 18 aya endirildiyini açıqlayıb.

Qadağa 11 sentyabr 2023-cü il tarixindən hesablanır. Futbolçu 2025-ci ilin martından meydana çıxa biləcək.