Kriştiano Ronaldo oğlunun Lamin Yamal pərəstişkarı olduğunu bildirərək “Barselona”nın yüksələn ulduzunu tərifləyib.
90plus.az xəbər verir ki, Ronaldo oğlu ilə Yamalı bir-birinə bənzədib:
“Oğlumla Lamin Yamal bir-birilərinə çox bənzəyirlər – dəri rəngləri, günəşdən yanmış dəriləri, saç düzümləri,” – deyə Ronaldo mətbuat konfransında bildirib.
“Onların arasında 3 il fərq var. Mən Lamin Yamalı çox bəyənirəm və oğlum da ona heyrandır,” – deyə o əlavə edib.
Kriştianonun oğlu artıq Portuqaliyanın U-15 yığmasında əsas oyunçu hesab olunur və klub səviyyəsində atasının komandası olan “Al Nassr”da, Səudiyyə Ərəbistanı Pro Liqasında çıxış edir.
17 yaşlı Yamal isə artıq tam hüquqlu milli oyunçudur və bu gün Millətlər Liqasının finalında Ronaldoya qarşı oynayacaq. Əgər o, bu turniri qazansa, Ballon d’Or (Qızıl Top) mükafatını qazanan ən gənc futbolçu ola bilər.
