Kriştiano Ronaldonun Diogo Jotanın dəfn mərasimində olmaması böyük müzakirələrə səbəb oldu.
90plus.az xəbər verir ki, portuqaliyalı futbolçu Diogo Jota və onun qardaşı André Silva 3 iyul 2025-ci ildə İspaniyanın Zamora şəhərində baş verən ağır avtomobil qəzasında həyatlarını itirdilər. Dəfn mərasimi 5 iyulda Portuqaliyanın Gondomar şəhərindəki Igreja da Lapa kilsəsində keçirildi.
Mərasimdə futbol dünyasının tanınmış simaları iştirak etdi. "Liverpul" klubunun kapitanı Vircil van Deyk, baş məşqçi Arne Slot və "Mançester Siti" futbolçusu Bernardo Silva mərasimdə yer alıb. Bundan başqa, "Əl-Hilal" klubunun futbolçuları Rubin Neves və Joao Kanselo da dəfn mərasiminə qatılar və mərasimdə Diogo Jotanın cənazəsini daşıdılar.
Lakin mərasimdə Portuqaliya milli komandasının kapitanı Kriştiano Ronaldonun olmaması sosial mediada və mətbuatda geniş müzakirələrə səbəb oldu. Onun şəxsən iştirak etməməsi tənqid edildi, lakin rəsmi səbəb açıqlanmadı.
"Liverpul" klubu mərasimdə iştirak edən futbolçulara və məşqçilərə təşəkkür edib, Diogo Jotanın həyat yoldaşı Rutə Kardoso və üç uşağına başsağlığı verib.
Bu faciəvi hadisə futbol dünyasında həmrəyliyin önəmini bir daha göstərdi və Diogo Jotanın xatirəsi futbolda yaşadılacaq.
