40 yaşlı portuqaliyalı ulduz Kriştiano Ronaldonun gələcəyi ilə bağlı gözlənilən qərar verildi. Təxminən 2.5 ildir Səudiyyə Ərəbistanının “Əl-Nəsr” klubunda çıxış edən təcrübəli hücumçu ilə yeni müqavilə imzalanıb.

90plus.az xəbər verir ki, Ronaldo “Əl-Nəsr” ilə yeni müqavilə mövzusunda razılığa gəlib və artıq sənədlərə imza atılıb. Səudiyyə Ərəbistanı mənbələri də bu xəbəri təsdiqləyib.

Xatırlatma: Ronaldo son günlərdə sosial media hesabından vida ab-havasında paylaşımlar etmişdi. Bu, futbolçunun komandadan ayrılacağı ehtimalını artırmışdı. Lakin indi artıq onun “Əl-Nəsr”də qalacağı rəsmiləşib.

Mövsümə damğa vurdu

2024/25 mövsümündə bütün turnirlərdə 41 oyuna çıxan Kriştiano Ronaldo ümumilikdə 3547 dəqiqə meydanda olub. Bu müddətdə 35 qol və 4 məhsuldar ötürmə ilə yadda qalıb. Bu göstəricilər 40 yaşlı hücumçunun hələ də yüksək səviyyədə olduğunu göstərir.

Ronaldonun bu qərarı, onunla bağlı yaranan transfer şayiələrinə son qoydu və eyni zamanda Səudiyyə liqasında Messi ilə yenidən qarşılaşmaq ehtimalını da artırdı.