"Araz-Naxçıvan" rəhbərliyi Ruslan Əmircanova mediada 18+ lətifə danışmaq qadağası qoydu.

90plus.az xəbər verir ki, "Araz-Naxçıvan"ın U-19 komandasının baş məşqçisi olan Əmircanov şok xəbərdarlıq alıb. Media ilə bağlı qadağanın səbəbi gənc müiəxəssisin "Youtube" kanallarının birində təhqiramiz ifadələrlə dolu lətifə danışması olub.

Belə ki, Əmircanov son vaxtlar qatıldığı verlişlərdə davamlı olaraq qeyri-etik lətifələr və xoşagəlməz hadisələrdən danışıb.

U-19-un çalışdırıcısı ilə müvafiq söhbət aparılıb, ona klubun imicinə xələl gətirən davranışdan dolayı töhmət verilib.