Azərbaycan Premyer Liqasında XXIV turun növbəti qarşılaşması keçirilib.

90plus.az xəbər verir ki, turun ilk oyununda “İmişli” doğma meydanda “Sabah”ı qəbul edib. Quba Olimpiya İdman Kompleksinin stadionunda baş tutan görüş Bakı təmsilçisinin böyükhesablı qələbəsi ilə başa çatıb – 5:0.

“Sabah”ın qollarını 10-cu dəqiqədə Stiv Solvet, 15-ci və 35-ci dəqiqələrdə Coy-Lens Mikels, 49-cu dəqiqədə Kahim Parris və 73-cü dəqiqədə Aleksey İsayev vurub.

Bu qələbədən sonra turnir cədvəlinə başçılıq edən “Sabah” xallarının sayını 59-a çatdırıb. “İmişli” isə 22 xalla 9-cu pillədə qərarlaşıb.

Turun digər oyununda “Zirə” öz meydanında “Qarabağ”ı qəbul edəcək.

Qeyd: Ötən gün keçirilən matçlarda “Araz-Naxçıvan” “Karvan-Yevlax”ı 2:1, “Şamaxı” isə “Sumqayıt”ı 1:0 hesabı ilə məğlub edib. XXIV tura martın 15-də yekun vurulacaq.