Bir dövr “Qalatasaray” və “Adana Dəmirspor” forması da geyinmiş 35 yaşlı mərakeşli futbolçu Yunes Belhanda karyerasını Qətərdə davam etdirəcək.

90plus.az xəbər verir ki, təcrübəli yarımmüdafiəçi Qətər Ulduzlar Liqası təmsilçisi “Əl-Səiliyyə” ilə razılıq əldə edib.

“Qalatasaray”ın sabiq futbolçusu olan Belhanda son iki ildir Qətərdə çıxış edirdi. O, bu transferdən əvvəl “Əl-Şamal”ın şərəfini qoruyurdu.

Cari mövsümdə 8 oyunda meydana çıxan və 294 dəqiqə meydanda olan mərakeşli orta sahə oyunçusu 2 məhsuldar ötürmə ilə yadda qalıb.

Qeyd: Yunes Belhanda 2017–2021-ci illər arasında “Qalatasaray”da, 2021–2024-cü illərdə isə “Adana Dəmirspor”da forma geyinmişdi.