Məşhur niderlandlı futbolçu, "Real Madrid" və "Alaniya"nın keçmiş yarımmüdafiəçisi Royston Drente maraqlı fikirlər səsləndirib.  

90plus.az xəbər verir ki, o, Rusiyanın "Alaniya" klubunda çıxış etdiyi dönəmdə futbolçuların matçlardan əvvəl araq içdiyini açıqlayıb.  

"Komanda yoldaşlarım arağa xüsusi maraq göstərirdi, hətta baş məşqçimiz də. Oyundan öncə bir qurtum içmək onlar üçün adi bir vərdiş idi. Mən isə araq əvəzinə viskiyə üstünlük verirdim. Orada bu, normal qarşılanırdı. Məsələn, Türkiyədə isə oyunçuların matçdan sonra duş qəbul edərkən siqaret çəkməsi adi bir hal idi", – deyə Drente bildirib.  

Qeyd: Drente "Feyenoord" akademiyasının yetirməsidir və 2013-cü ilin fevralında "Alaniya"ya transfer olunub. Lakin cəmi altı ay sonra klubdan ayrılıb. O, Rusiya Premyer Liqasında 6 oyunda iştirak edib, 3 dəfə rəqib qapısına yol tapıb və 2 sarı vərəqə alıb.