Keçmişdə “Xəzər-Lənkəran” klubunun baş məşqçisi olan rumıniyalı mütəxəssis Mirça Rednik Azərbaycana yenidən dönə bilər.

90plus.az xəbər verir ki, təcrübəli məşqçi menecerlər tərəfindən “Kəpəz” klubuna təklif edilib.

Gəncə klubunun yeni sponsoruna Redniklə işləməyi və onu komandaya baş məşqçi olaraq gətirməyi tövsiyə ediblər. Lakin Rednikin komandaya qoşulması, ən yaxşı halda, növbəti mövsümə baş verə bilər. Bunun üçün ilk növbədə komanda Premyer Liqada mövqeyini qorumağa müvəffəq olmalıdır. Əgər “Kəpəz” Premyer Liqada qalarsa, baş məşqçi Azər Bağırovun istefası inandırıcı görünmür. Hətta rəhbərlik belə bir qərar alsa belə, bu, ən azından baş məşqçiyə qarşı hörmətsizlik hesab olunar.