"Liverpul"dan yeni müqavilə təklifi almayan misirli cinah hücümçu Məhəmməd Salahı heyətinə qatmaq istəyən daha bir klub bəlli olub.
90plus.az xəbər verir ki, MLS təmsilçisi "İnter Mayami" cəlbedici təklif qarşılığında 32 yaşlı ulduzu rənglərinə bağlamağı hədəfləyib.
Salahın "Liverpul" ilə müqaviləsinin müddəti bu yay başa çatacaq. Daha öncə Səudiyyə Ərəbistanı klublarının və PSJ-nin Məhəmmədə ciddi maraq göstərdikləri barədə məlumatlar dərc edilib.
"İnter Mayami"də Lionel Messi, Jordi Alba, Serxio Buskets və Luis Suares kimi ulduzlar çıxış edir.
