UEFA Konfrans Liqasının 2-ci tur qarşılaşmasında baş məşqçi Arda Turanın çalışdırdığı Ukrayna təmsilçisi “Şaxtyor Donetsk” Polşa klubu “Legiya Varşava” ilə üz-üzə gəlib.
90plus.az xəbər verir ki, gərgin keçən görüşdə qalib son dəqiqələrdə müəyyənləşib – “Legiya Varşava” uzatma dəqiqələrində vurduğu qolla 2:1 hesablı qələbə qazanıb.
Polşalı futbolçular 16-cı dəqiqədə Auqustinyakın qolu ilə hesabı açıb. 61-ci dəqiqədə Meyrelliş “Şaxtyor”un bərabərlik qoluna imza atsa da, 90+4-cü dəqiqədə yenidən Auqustinyak səhnəyə çıxaraq “Legiya”ya vacib 3 xal qazandırıb.
Bu nəticə ilə Arda Turanın komandası bütün turnirlərdə ardıcıl 3-cü dəfə qələbədən uzaq qalıb. “Şaxtyor Donetsk” son dəfə Konfrans Liqasının 1-ci turunda İskoçiyada “Aberdin” üzərində 3:2 hesablı qələbə qazanmışdı.
Temmuz 2025-dən bəri Ukrayna klubuna rəhbərlik edən Arda Turan indiyədək 20 oyuna çıxıb – 11 qələbə, 6 heç-heçə və 3 məğlubiyyət.
Növbəti turda “Şaxtyor Donetsk” Konfrans Liqasının 3-cü həftəsində İcelandiyada “Breydablik” klubunun qonağı olacaq.
