"Atletiko Madrid"in baş məşqçisi Dieqo Simeone klubun sükanı arxasında 700-cü matçına çıxıb.

90plus.az xəbər verir ki, dünən İspaniya La Liqasının 14-cü turunda Madrid klubu "Alaves"i 2:1 hesabı ilə məğlub edib.

54 yaşlı Simeone La Liqa tarixində eyni komandanın baş məqçisi kimi 700 rəsmi oyun keçirən ilk mütəxəssis olub. O, 700 matçda 413 dəfə qalib gəlib, 156 dəfə heç-heçə edib və 131 dəfə məğlub olub.

Xatırladaq ki, Simeone 2011-ci ilin dekabrında Madrid komandasının sükanı arxasına keçib. Argentinalı mütəxəssis "Atletiko" ilə birlikdə iki İspaniya çempionluğu, ölkə kuboku və Superkuboku, iki UEFA Avropa Liqası və iki UEFA Superkubokunun qalibi olub. Onun rəhbərliyi altında "Atletiko" iki dəfə Çempionlar Liqasının finalında çıxış edib, lakin hər iki dəfə "Real Madrid"ə uduzub.

Cari mövsümdə La Liqada keçirilən 14 oyundan sonra "Atletiko" 29 xal toplayaraq turnir cədvəlində ikinci yerdədir.