İvan Rakitiç peşəkar futbolla vidalaşdı – səssiz qəhrəmanın möhtəşəm karyerası!

90plus.az xəbər verir ki, Xorvatiya futbolunun ən önəmli simalarından biri sayılan İvan Rakitiç karyerasını başa vurdu. 36 yaşlı yarımmüdafiəçi bu qərarı ilə demək olar ki, bir dövrə nöqtə qoydu.

Rəqəmlər danışır: Rakitiç ümumilikdə 971 oyunda forma geyinərək 131 qol vurub, 157 dəfə assist edib və beləliklə, 288 qolda birbaşa iştirakçı olub.

Qazandığı titullar:

• 1× Çempionlar Liqası
• 1× UEFA Superkuboku
• 1× Klubların Dünya Çempionatı
• 2× Avropa Liqası
• 4× La Liqa
• 4× İspaniya Kuboku
• 2× İspaniya Superkuboku
• 1× Almaniya Kuboku
• 1× İsveçrə Kuboku
• 2018 Dünya Çempionatında Xorvatiya yığması ilə tarixi gümüş medal

Xorvatiya millisinin 2018-ci il Dünya Çempionatındakı gümüş uğurunda əsas rol oynayan Rakitiç uzun illər “Barselona”, “Sevilya”, “Şalke” və “Bazel” kimi klublarda əsl lider kimi çıxış edib.

O, həm meydandakı sakitliyi, həm də liderlik keyfiyyətləri ilə futbolsevərlərin yaddaşında daim qalacaq. Rakitiç futbolla vidalaşsa da, buraxdığı iz uzun illər unudulmayacaq.