“Sumqayıt” klubu heyətini yeni müdafiəçi ilə gücləndirib.

90plus.az xəbər verir ki, Premyer Liqa təmsilçisi Ukraynanın “Polissye” klubunda çıxış edən Danilo Beskorovaynini transfer edib. Bu barədə “kimyaçılar”ın mətbuat xidməti açıqlama yayıb.

Ukraynanın U-20 millisində forma geyinmiş futbolçu ilə bağlanan müqavilənin müddəti və digər şərtləri açıqlanmayıb.

Qeyd: 26 yaşlı müdafiəçi mövsümün ilk yarısında “Polissye”nin heyətində iştirak etdiyi 9 rəsmi qarşılaşmada 1 dəfə fərqlənib.