Donald Tramp "Çelsi"nin Klub Dünya Çempionatındakı qələbəsini stadiondan izlədi – ABŞ-da "soccer" yerinə "football" deyilə bilər.
90plus.az xəbər verir ki, ABŞ-ın keçmiş prezidenti Donald Tramp 2025 FIFA Klub Dünya Çempionatının finalında iştirak edib. O, Səudiyyə Ərəbistanında keçirilən oyunda "Çelsi"nin PSJ-ni məğlub edərək dünya çempionu olmasını stadiondan izləyib.
Oyundan sonra Trampa ABŞ-da futbol üçün işlədilən “soccer” sözünün “football” ilə əvəzlənməsi ehtimalı barədə sual verilib.
Tramp bu sualı belə cavablandırıb:
“Düşünürəm ki, bunu edə bilərik!
Mən sizə deyə bilərəm ki, biz digər sahələrdə – siyasi səhnədə, maliyyə sahəsində çox uğurluyuq. Mən elə indicə Səudiyyə Ərəbistanı, Qətər və BƏƏ-də olmuşam. Burada, Qətərdə onların böyük təsiri var, bütün liderlər buradadır – və sonra NATO-ya baxırsınız – bütün liderlər deyirdilər ki, sizin ölkəniz ölüb. İndi isə dünyanın ən çox danışılan ölkəsinə çevrilmisiniz.
Bu dediklərimdə çox həqiqət var. Ölkə olaraq çox pis vəziyyətdə idik. Səlahiyyətsiz bir administrasiya var idi. İndi isə çox “isti” bir ölkəyik, sözün hər iki mənasında. Hesab edirəm ki, futbol (“soccer”) da burada çox “isti” olacaq.
Onsuz da artıq çox geniş yayılıb və bu oyunla bərabər, böyük futbolçular da gəlir. Düşünürəm ki, bu idman növü burada çox uğur qazanacaq.
