Kənan Yıldız Avropa nəhənglərinin diqqət mərkəzindədir.

90plus.az xəbər verir ki, Kənan Yıldızın texniki keyfiyyəti və böyük istedadı sual altına alınmır. Məhz bu səbəbdən Avropanın bir sıra aparıcı klubları, xüsusilə “Real Madrid” və “Liverpul”, gənc futbolçunun transferini yaxından izləyir. Bu barədə “La Gazzetta dello Sport” məlumat yayıb.

Hazırda “Yuventus”un formasını geyinən Kənan Yıldız mövsümə görə cəmi 1,5 milyon avro maaş alır. Gənc futbolçunun Turin təmsilçisi ilə müqaviləsi 2029-cu ilə qədər qüvvədədir.

Mənbənin yazdığına görə, bu məvacib Yıldız səviyyəsində olan futbolçu üçün kifayət qədər aşağı hesab olunur. Belə ki, o, daha böyük bir klubda çıxış edəcəyi halda hazırkı qazancından təxminən 10 dəfə artıq gəlir əldə edə bilər.

“Yuventus” rəhbərliyi də bunun fərqindədir və futbolçunu komandada saxlamaq üçün müqavilə şərtlərini yaxşılaşdırmağı planlaşdırır. Klub Kənan Yıldıza illik 6 milyon avro məvacib təklif etməyə hazırdır.