UEFA Millətlər Liqasının üçüncü yer uğrunda keçirilən qarşılaşmasında Almaniya və Fransa yığmaları üz-üzə gəlib.

90plus.az xəbər verir ki, Almaniyanın Ştutqart şəhərində baş tutan oyunda Fransa rəqibini 2:0 hesabı ilə məğlub edərək turniri üçüncü sırada tamamlayıb. Oyunun ilk hissəsi artıq bitmək üzrəykən, "Real Madrid"in ulduzu Kylian Mbappe 45-ci dəqiqədə fərqlənərək Fransanı önə çıxarıb.

İkinci hissədə Almaniya bir neçə fürsət yaxalasa da, qol vurmağı bacarmayıb. 84-cü dəqiqədə isə Mikael Olise fərqi iki topa çatdıraraq Fransanın qələbəsini rəsmiləşdirib.

Bu nəticə ilə Didye Deşamın rəhbərlik etdiyi komanda UEFA Millətlər Liqasının bürünc medallarına sahib olub. Almaniya isə turniri dördüncü yerdə başa vurub.

Start heyətləri:

Almaniya: ter Ştegen, Kimmix, Tah, Kox, Raum, Qross, Qoretska, Voltemade, Virtz, Adeyemi, Füllkrug

Fransa: Maynyan, Qusto, Bade, Lukas Ernandes, Diñ, Tçuameni, Rabiot, Kolo Muani, Şerki, Tyuram, Mbappe