Venesuela – Kolumbiya oyunu təhlükəsizlik səbəbi ilə təxirə salındı.

90plus.az xəbər verir ki, 2027 FIBA Dünya Kuboku Amerika seçmə mərhələsində keçirilməsi planlaşdırılan “Venesuela” – “Kolumbiya” qarşılaşması təhlükəsizlik səbəbləri ilə ertələnib.

FIBA rəsmi açıqlamasında, bölgədəki mövcud geosiyasi vəziyyətin qərara təsir etdiyini, bunun həm bütün iştirakçıların təhlükəsizliyini təmin etmək, həm də turnirin bütövlüyünü qorumaq məqsədi daşıdığını bildirib.

7 İYUL 2026-YA QƏDƏR OYNANACAQ

Karakasda keçirilməsi nəzərdə tutulan matç üçün dəqiq tarix açıqlanmasa da, qarşılaşmanın 7 iyul 2026-ya qədər oynanacağı vurğulanıb.