"Vest Hem" "Arsenal"ın Deklan Rays üçün ilk təklifini rədd edib. 90plus.az "The Guardian"a istinadən xəbər verir ki, London təmsilçisi 24 yaşlı yarımmüdafiəçini transfer etmək üçün ilk rəsmi təklifi “Vest Hem”ə göndərib. Ancaq klub 80 milyon funt sterlinq dəyərində təklifi müsbət cavablandırmayıb. "Arsenal"ın daha yaxşılaşdırılmış növbəti təklif hazırlayacağı vurğulanır. “Vest Hem” Raysın transferi üçün “Mançester Siti” dən təklif gözləyir . Klub yarımmüdafiəçinin satışından təxminən 100 milyon funt-sterlinq qazanmaq istəyir. Qeyd edək ki, Raysın klubu ilə müqaviləsi 2024-cü ilin iyununa qədərdir.