“Flamenqo” Lukas Paketanı rəsmən heyətinə qatdı.

90plus.az xəbər verir ki, Braziliyanın “Flamenqo” klubu Lukas Paketanın transferini rəsmən açıqlayıb. 28 yaşlı yarımmüdafiəçi İngiltərənin “Vest Hem” klubundan transfer olunub.

Əvvəlki məlumatlara əsasən, Rio-de-Janeyro təmsilçisi öz yetirməsi olan futbolçu üçün “Vest Hem”ə 36,5 milyon funt-sterlinq ödəməyə razılaşıb.

Lukas Paketa yeni klubu ilə 2030-cu ilin dekabr ayına qədər qüvvədə olacaq müqavilə imzalayıb.

Qeyd: Braziliyalı futbolçu bu ay şəxsi səbəblərlə vətəninə qayıtmaq istədiyi üçün “Vest Hem”dən ayrılmaqda israrlı idi. Nəticədə tərəflər razılığa gəlib və Paketa yenidən “Flamenqo”nun formasını geyinib.