Ben Yakobs - Give Me Sport-un məlumatına görə, Səudiyyə Ərəbistanından olan transfer vasitəçiləri Vinisius Juniora 5 mövsümə ümumilikdə 1 milyard avro dəyərində cəlbedici təklif təqdim ediblər.
90plus.az xəbər verir ki, bu o deməkdir ki, braziliyalı ulduz təklifi qəbul edəcəyi halda, qarşıdakı beş il ərzində vergilər çıxıldıqdan sonra ildə 250 milyon avro qazana bilər.
Səudiyyə klubları artıq bir ildən çoxdur ki, Vinisiusun “Real Madrid”lə müqavilə danışıqlarını yaxından izləyir və bu müddətdə onun nümayəndələri ilə fasiləli şəkildə təmasda olublar.
Məlumatın ən diqqətçəkən tərəfi odur ki, Vinisius “Real Madrid”in prezidenti ilə söhbətində Xabi Alonso baş məşqçi olduğu müddətdə müqaviləni uzatmaq niyyətində olmadığını bildirib.
Bu, Vinisiusun indiyə qədər dedikləri ilə bir qədər ziddiyyət təşkil edir, çünki o, dəfələrlə karyerasını “Real Madrid”də başa vurmaq istədiyini söyləyib. Lakin hazırkı oyun forması və Alonso ilə münasibətlərindəki gərginlik onun klubdan ayrılmasını sürətləndirə bilər – xüsusilə Səudiyyənin bu cür böyük təklif etdiyi bir vaxtda.
Əgər Vinisius “Real Madrid”dən ayrılsa, onun üçün ən real istiqamətin Ciddə təmsilçisi “Əl-Əhli” olacağı bildirilir.
