Ötən gecə “Tottenhem”ə qarşı 5:3 hesablı qələbədə ilk het-trikini edən Vitinya matçdan sonra PSJ TV-yə danışarkən həmvətəni Joau Neves haqqında xoş sözlər söyləyib.
90plus.az xəbər verir ki, Neves bu mövsüm artıq iki het-trikə imza atıb: biri mövsümün əvvəlində “Tuluza”ya qarşı PSJ-nin 6:2 hesablı qələbəsində, digəri isə son beynəlxalq fasilədə Portuqaliyanın Ermənistan üzərində qazandığı görüşdə.
Bu çıxışlar Vitinyanı ilhamlandırıb, ən azından onu motivasiya edib.
“Düzünü desəm, het-trik vurmağı heç vaxt düşünməmişdim”, – portuqaliyalı futbolçu etiraf edib.
“Bəlkə də Joau Neves məni ilhamlandırdı! Amma belə bir şey baş verəndə düşünürsən ki, bəlkə sən də bunu edə bilərsən. Bir az da beynindədir.”
ℹ️ Vitinya "PSJ 5-3 Tottenhem" matçının ən yaxşısı seçilib
