Xabi Alonso: “Arda Güler sanki Özil və Qutinin qarışığıdır”.

90plus.az xəbər verir ki, "Real Madrid”in baş məşqçisi Xabi Alonso gənc ulduz Arda Güler barədə yüksək fikirlər səsləndirib. "AS” nəşri yazır ki, ispan mütəxəssis jurnalistin “Arda sizə Mesut Özili xatırladırmı?” sualına maraqlı cavab verib:

🎙 Xabi Alonso: “Bəli, özü də təkcə mənşəyi ilə yox. Arda sanki Özil və Qutinin qarışığıdır. Özili çox bəyənirdim. Quti də hücumların qurulmasında və son ötürməni verməkdə Mesut kimi oynaya bilirdi. Arda meydana nə qədər çox olsa, oyun səviyyəmiz bir o qədər yüksəlir. Onu inkişaf etdirməyə davam etməliyik. Gülerdən çox razıyıq”.

Arda Güler bu mövsüm “Real Madrid”in heyətində parlaq çıxışı ilə diqqət çəkir və komandanın əsas oyunçularından birinə çevrilib.

Qeyd: Bu gün saat 23:00-da Çempionlar Liqasının 3-cü turu çərçivəsində “Real Madrid” – “Yuventus” oyunu keçiriləcək.