“Real Madrid” – “Mançester Siti” məğlubiyyətindən sonra Xabi Alonsonun açıqlamaları maraq doğurub.

90plus.az xəbər verir ki, “Real Madrid” La Liqa və beynəlxalq arenadakı son uğursuz seriyanı qırmaq üçün növbəti matçda da istədiyini əldə edə bilmədi. Madrid klubu evdə “Mançester Siti”yə 1:2 hesabı ilə uduzdu. Qarşılaşmadan sonra baş məşqçi Xabi Alonso mətbuat konfransında vəziyyəti dəyərləndirib.

Xabi Alonso futbolçularına qarşı iradının olmadığını bildirib:

• “Bu gün futbolçularımı heç nədə ittiham edə bilmərəm.”
• “Bu uğursuz nəticələr mütləq bitəcək. Həyatda hər şeyin bir sonu var.”
• “Məqsəd oyunda daha sabit olmaqdır. Biz ən azı heç-heçəyə layiq idik. Futbolçular son dəqiqəyə qədər bütün gücünü ortaya qoydu.”

Baş məşqçi Bernabeuda eşidilən narazılıq səslərini də təbii qəbul edir:

• “Bernabeudakı fit səsləri? Bu normaldır. Yeni heç nə yoxdur, digər hallarda bizi dəstəkləyirdilər və biz o enerjini hiss edirdik.”

Alonso həmçinin matçın başlanğıcındakı oyundan razı qaldığını deyib:

• “Matçın ilk 30 dəqiqəsindəki oyunumuz çox xoşuma gəldi.”

Komandanın dəstəyini hiss etdiyini vurğulayan Xabi Alonso pozitiv mesajla çıxışını tamamlayıb:

• “Mən futbolçularımın dəstəyini hiss edirəm. Mövsümə çox uğurla başladıq və arzuladığımıza çatdıq. Ən yaxşı formanda olmadıqda belə dövrlər olur. Bu gün sadəcə futbolçularıma təşəkkür etmək istəyirəm. Bu dövr də keçəcək.”

Kurtua da məğlubiyyət barədə danışıb: “Hamımız Xabi ilə birlikdəyik”.

“Real Madrid”in qapıçısı Tibo Kurtua da görüşdən sonra həm nəticəyə, həm də öz performansına münasibət bildirib:

• “Hər birimiz məşqçini dəstəkləyirik. Hamımız Xabi ilə birlikdəyik.”
• “İlk qol mənim səhvimdir.”
• “Oyun planı yaxşı idi. Təəssüf ki, bu axşam işləmədi, adətən qol vurduğumuz epizodları qaçırdıq.”

Madrid klubunda yaranmış bu çətin dövrün nə vaxt bitəcəyi maraqla gözlənilir.