“Real Madrid”in baş məşqçisi Xabi Alonso bu gün Lamin Yamalın “Kings Liqa”da verdiyi qalmaqallı açıqlamalara reaksiya verməkdən imtina edib.

90plus.az xəbər verir ki, Yamal “Real Madrid”i “oğurlamaq və daim şikayətlənməkdə” ittiham etmişdi. Alonso isə mövzunu şişirtmədən diqqəti tamamilə bazar günü “Santyaqo Bernabeu”da keçiriləcək “El-Klassiko”ya yönəldib.

“Onun sözlərini təhqiredici hesab edirəmmi? Bu mövzuya girmək istəmirəm,” – deyə Alonso bildirib. – “Dediklərinin hər birinə cavab verməyəcəyəm. Ən vacibi meydandır və bizim necə oynamaq istədiyimizdir.”

Hazırda La Liqada iki xal fərqlə lider olan və ardıcıl dörd qələbə qazanan “Real Madrid”in baş məşqçisinin bu təmkinli açıqlaması klubun sözlə yox, oyunla cavab vermək niyyətində olduğunu göstərir.

Qeyd: “Real Madrid” – “Barselona” qarşılaşması 26 noyabr saat 19:15-də start götürəcək.