"Mançester Yunayted"in səhmlərinin 25 faizinə sahib olan və klubun futbol idarəçiliyinə rəhbərlik edən Sir Cim Retkliff baş məşqçi Ruben Amorim haqqında maraqlı fikirlər söyləyib.   

90plus.az xəbər verir ki, Retkliff açıqlamasında Amorimə güvəndiyini ifadə edib: 

"Düzünü desəm, onun əlindəki heyəti və mövsümün ortasında komandaya qoşulduğunu nəzərə alsaq, düşünürəm ki, yaxşı iş görür. İnsanlar dərhal möcüzələr gözləyir, amma məncə, real həyatda bu, o qədər də asan baş vermir. "Arsenal"la qarşılaşma həqiqətən təsir edici idi. Komanda maksimum səylə və məqsədyönlü şəkildə mübarizə apardı. Əgər ehtiyat oyunçular skamyasına baxsanız, oradakı futbolçuların çoxunun adını tanımadığınızı görəcəksiniz.

"Rubenin əsas heyətinin yarısı yoxdur. Əgər "Mançester Yunayted"in ən yüksək maaş alan səkkiz oyunçusuna nəzər yetirsəniz, onların yarısının Ruben üçün əlçatan olmadığını anlayarsınız. Bu, "Mançester Siti" və ya "Liverpul"da baş versəydi, onların durumu tamamilə fərqli olardı.

"Ən yüksək maaş alan səkkiz futbolçumuzdan Meyson Maunt və Luk Şou zədəlidir. Reşford və Sanço komandadan ayrıldı. Üstəlik, bir çox başqa zədə var... O cümlədən, Kobbi Maynu və Lisandro Martines də sıradan çıxıb.

"Amorimə tam güvənirəm. O, mənə olduqca müsbət təsir bağışlayır. Oyundan əvvəl onunla görüşmüşdüm, lakin matçdan sonra da onunla təxminən yarım saat müzakirə apardıq. O, çox düşüncəli insandır.”