“Yuventus” hücum xəttini gücləndirir: “Fənərbağça”ya En-Nesiri üçün rəsmi təklif göndərəcək.
90plus.az xəbər verir ki, İtaliyanın “Yuventus” klubu transfer bazarında həlledici addım atmağa hazırlaşır. Jurnalist Yağız Sabuncuoğlunun eksklüziv məlumatına görə, “Bianconeri” “Fənərbağça”nın hücumçusu Yusuf En-Nesiri üçün rəsmi təklif göndərib.
Turin təmsilçisinin məqsədi aydındır: hücum xəttinə mümkün qədər tez mərkəz hücumçusu cəlb etmək. Klub rəhbərliyi fiziki gücü, hava toplarındakı üstünlüyü və qol potensialı ilə seçilən futbolçunu komandaya qatmaq istəyir.
“Yuventus” bu transferdə daha əvvəl də istifadə etdiyi modeli seçib. Təklif icarə + satınalma opsiyası formasındadır. Satınalma məbləğinin bonuslarla birlikdə təxminən 20 milyon avro olacağı gözlənilir.
Bu formul “Yuventus”a mərakeşli hücumçunu dərhal heyətə cəlb etməyə, əsas maliyyə yatırımını isə mövsümün sonuna saxlamağa imkan verəcək. En-Nesiri gözləntiləri doğruldarsa, transferin birdəfəlik reallaşması planlaşdırılır.
“Fənərbağça”nın əsas hücumçularından biri olan Yusuf En-Nesiri Avropa klublarının diqqət mərkəzindədir və “Yuventus”un bu təklifi transfer bazarında ciddi rezonans doğurub.
