"Yuventus" son günlərdə "İnter"in yarımmüdafiəçisi Davide Frattesinin agenti ilə potensial transfer üçün danışıqlara başlayıb. 

90plus.az xəbər verir ki, italiyalı yarımmüdafiəçi bu mövsüm baş məşqçi Kristian Çivu rəhbərliyi altında əsas heyətdə özünə yer tapmaqda çətinlik çəkir. O, bu mövsüm Serie A-da cəmi bir oyuna start heyətdə olub və bir neçə matçda ehtiyatda qalıb.

"San Siro"da Hakan Çalhanoğlu, Nikolo Barella, Henrix Mxitaryan, Petar Süçiç və Pyotr Zielinski kimi adların meydana çıxma ehtimalı daha yüksək olduğu üçün Frattesinin yenidən ön plana çıxması real görünmür.

Digər tərəfdən, "Yuventus" qış transfer pəncərəsi üçün müdafiə xarakterli yarımmüdafiəçi axtarır və baş məşqçi Luçano Spalletti Frattesini İtaliya millisindən yaxşı tanıyır.

Bununla belə, "İnter"in birbaşa rəqibinə futbolçu satmağa nə dərəcədə razı olacağı hələ sual altındadır.