İtaliya mətbuatı “Yuventus”un “Qalatasaray”ın hücumçusu Mauro İkardi ilə maraqlandığını iddia edib. Xəbərlərdə Turin təmsilçisinin argentinalı futbolçuya 1,5 illik müqavilə təklif etdiyi bildirilib.

90plus.az xəbər verir ki, məsələ ilə bağlı “Yuventus” rəhbərliyindən rəsmi açıqlama gəlib. Klubun funksioneri, sabiq futbolçu Corco Kyellini İkardi ilə bağlı yayılan transfer xəbərlərinə münasibət bildirib.

Kyellini iddiaları təsdiqləməyərək belə deyib:
“İkardi transferi baş tutmayacaq. Bu, sadəcə bir fikir idi.”

Beləliklə, İtaliya mətbuatında yer alan xəbərlərə baxmayaraq, “Yuventus”un Mauro İkardini transfer etməyi planlaşdırmadığı rəsmən açıqlanıb. Argentinalı hücumçu isə hazırda “Qalatasaray”ın heyətində çıxışını davam etdirir.