"Fatih Karagümrük"ün baş məşqçisi Şota Arveladze vəzifəsindən getdi! 90plus.az "Milliyet"ə istinadən xəbər verir ki, o, Superliqada "Trabzonspor"a qarşı 1:5 hesablı məğlubiyyətdən sonra bu qərarı verib: " Çox qısa oldu. Burada oynamaq həmişə çətindir. Yaxşı başladıq, amma pis başa vurduq. Belə çətin səfər oyunu olsa da, inamla gəldik. Bu heyət belə olmamalıdır. Bu heyətdən gözləntilər çoxdu. Sevdiyim klubdur, vəzifəmi tərk edirəm. Qalan 9 matçda çox çətin olacaq. Fərqli atmosfer gəlməlidir. Üzr istəyirəm. Gözləmədiyim bir gün oldu. Bunu etməliyəm". Qeyd : Arveladze ötən ilin dekabrından komandanı çalışdırırdı. "Fatih Karagümrük" ölkə çempionatında 29 xalla 17-ci pillədə qərarlaşır.