“Al-İttihad” prezidentindən Lionel Messi ilə bağlı sensasion açıqlamalar gəldi.
90plus.az xəbər verir ki, Səudiyyə Ərəbistanının “Al-İttihad” klubunun prezidenti Anmar Əl-Haili futbol dünyasında böyük rezonans doğuran açıqlamalarla çıxış edib. Klub rəhbəri Lionel Messi ilə bağlı son dərəcə iddialı fikirlər səsləndirib.
Əl-Hailinin sözlərinə görə, argentinalı ulduz “Al-İttihad”a keçmək istəsəydi, klub onun üçün heç bir maddi məhdudiyyət qoymazdı:
“Messi ‘Al-İttihad’ ilə müqavilə imzalamaq istəsə, ona istədiyi məbləği yaza biləcəyi açıq çek verərəm. Hətta istəsə, ömürlük müqavilə də təklif edərəm”.
Klub prezidenti maliyyə məsələsinin onun üçün önəm daşımadığını da vurğulayıb:
“Pul mənim üçün heç nə ifadə etmir. Çünki futbol tarixinin ən yaxşı oyunçusuna sahib olardım”.
Anmar Əl-Haili eyni zamanda Messi ilə aparılmış əvvəlki danışıqlar barədə də açıqlama verib. Onun sözlərinə görə, futbolçunun PSJ ilə müqaviləsi başa çatdıqdan sonra tərəflər arasında əlaqə qurulub:
“PSJ ilə müqaviləsi bitəndə onunla əlaqə saxladım. İllik 88 milyon avro olmaqla ümumilikdə 1,4 milyard avroluq təklif etdik. Lakin ailəsi Amerikanı seçdiyi üçün təklifimizi dinləmədən rədd etdi”.
Sonda isə “Al-İttihad” prezidentinin Messiyə açıq mesajı olub:
“Messi nə vaxt istəsə, ‘Al-İttihad’ın qapısı onun üzünə hər zaman açıqdır”.
Hazırda Lionel Messi karyerasını ABŞ-ın “İnter Mayami” klubunda davam etdirir.
