"Atletiko" Culiano Simeonenin müqaviləsini yeniləyib.

90plus.az xəbər verir ki, bu barədə La Liqa klubunun rəsmi saytı məlumat yayıb.

Argentinalı vingerlə 2030-cu ilin 30 iyun tarixinədək sözləşmə imzalanıb.

Culiano Simeone "Atletiko"nun baş məşqçisi Dieqo Simeonenin oğludur. Argentina millisinin üzvü olan 23 yaşlı oyunçu bu mövsüm Madrid klubunun heyətində 27 rəsmi matçda 3 qol vurub və 7 məhsuldar ötürmə ilə yadda qalıb.