"Azərbaycan" yazısını gizlədən Ermənistan xizəkçisinin cəriməsini federasiya ödəyəcək.
90plus.az xəbər verir ki, Ermənistan Xizək Federasiyası “Tour de Ski” turnirində çıxış edən Mikael Mikaelyana FİS tərəfindən tətbiq olunan cəriməni ödəyəcək.
Federasiyanın prezidenti Qaqik Sarqisyan bildirib ki, cəriməyə səbəb xizəkçinin yarış zamanı formasındakı “Azərbaycan” yazısını yapışqan lentlə örtməsi olub. Qeyd edək ki, bu yazı 2025-ci ildən FİS-in titul sponsoru olan Azərbaycanın dövlət turizm qurumuna məxsusdur və bütün böyük yarışlarda idmançıların formalarında məcburi yerləşdirilir.
