FIFA prezidenti Infantino: "Dünya Çempionatının biletləri üçün satış qiymətləri daha da yüksələ bilər".
90plus.az xəbər verir ki, FIFA prezidenti Canni Infantino 2026-cı il Dünya Çempionatına biletlərlə bağlı yeni açıqlama verib. O, biletə olan tələbatın çox yüksək olduğunu və bunun təkrar satış bazarında qiymətlərin daha da bahalaşmasına səbəb ola biləcəyini etiraf edib.
İnfantino qeyd edib ki, satışa çıxarılan bütün matç biletləri qısa müddət ərzində satılacaq və çoxlu azarkeş bilet əldə edə bilmədiyindən ikinci bazarda qiymətlər daha da artacaq. FIFA-nın öz rəsmi ticari bazarında isə bu həftə final üçün biletin qiyməti 230 000 ABŞ dollarına qədər çıxıb. Qurum həmin satışlardan 30 % komissiya götürə bilər, amma özü bilətlərin qiymətini təyin etmir.
ℹ️ 2026-cı il Dünya Çempionatı 11 iyun – 19 iyul tarixlərində ABŞ, Kanada və Meksikada keçiriləcək.
Azarkeşlər artıq belə yüksək qiymətlərə etiraz edirlər və bilet strategiyasının ədalətli olması ilə bağlı tənqidlər səslənir.
